Vandeesweek toor Herman met Pink Lady®-appels. Ons wys dat hierdie appels nie net heerlike en gesonde peuselhappies is nie, maar ook bestanddele wat vir ekstra smaak sorg in geregte. Hou SARIE.com dop, hier deel ons elke weeksdag ’n nuwe resep.
genoeg vir 6
- 1 x 400 g-rol blaardeeg, ontdooi
- 125 ml botter
- 125 ml strooisuiker
- 1 eier
- 200 g (250 ml) fyn amandels
- 65 ml koekmeel
- 8 appels, geskil en ontklok
- roomys of dik room, om voor te sit
Verhit oond tot 200 °C. Rol blaardeeg op meelbestrooide oppervlak oop. Gebruik koekroller en rol deeg tot sowat 3 mm dik uit. Sny deeg in netjiese reghoek en sny reg rondom vier stroke van 5 mm breed af. Plaas deeg-reghoek op bakplaat wat met kleefwerende kossproei gespuit is. Verf rande met water en pak 5 mm-repe al om die rand van die reghoek.
Klits botter en suiker tot lig en romerig. Voeg eier by en klits nog 1 minuut. Voeg amandels en meel by. Meng goed. Skep vulsel bo-op kors en versprei eweredig.
Sny appels met skerp mes in die helfte en dan in dun skyfies. Pak appelskyfies styf teen mekaar bo-op vulsel sodat dit heeltemal bedek is. Bak vir 30-35 minute of tot goudbruin en gaar. Sit warm voor met roomys of dik room.
Pink Lady®-appels hang langer aan die appelbome, wat veroorsaak dat dié vrugte hulle soet smaak en pragtige kleur ontwikkel, en ook die maksimum voedingstowwe absorbeer.
Slegs die beste appels word gepluk en verpak, en die Pink Lady®-handelsmerk is jou kwaliteit-waarborg.
Gebruik Pink Lady®-appels in vars slaaie, pasteie, souse, gebak of eet dit sommer net so as ’n gesonde peuselhappie.
Hierdie artikel is trots geborg deur Pink Lady®. Klik hier vir meer inligting oor Pink Lady®-appels.
Besoek ook Pink Lady®-appels se Instagram, Facebook en Twitter-blad!
Lees ook:
Oondhoender met gepekelde Pink Lady®-appels
Pink Lady®-appel-frangipanetert (amandeltert)
Blomkool-en-Pink Lady®-appelsop
Vetkoek met Pink Lady®-appelblatjang
