(4 - 6 porsies)

Jy benodig

  • 400 g klein rosa-tamaties
  • 2 klein uie (of 1 middelslag-ui)
  • 2 knoffelhuisies
  • 50 ml olyfolie
  • sout en varsgemaalde swartpeper na smaak
  • 1 hoeveelheid pizza-deeg (sien verwante artikels)
  • 100 g pecorino-kaas, fyngerasper
  • 100 g swart olywe, ontpit
  • 10 ml droë origanum
  • 10 olyfolie om bo-oor te sprinkel

Volg die resep vir die deeg. Terwyl die deeg rys, kap die rosa-tamaties, uie en knoffel baie fyn. Jy kan dit in jou voedselverwerker doen. Gooi mengsel in ’n bakkie en voeg olyfolie by. Geur met sout en swartpeper. Maak bakkie met kleefplastiek toe en laat staan vir minstens 2 uur. Hoe langer die mengsel staan, hoe lekkerder is dit. Verhit oond tot 240 ºC. Wanneer die pizza-deeg tot dubbel die grootte gerys het, knie dit af op ’n meelbestrooide oppervlak. Rol deeg in ’n lang ovaalvorm. As jy die pizza op ’n pizza-teël in jou oond gaan bak, stel ek voor dat jy die deeg op ’n stuk bakpapier plaas. Dit maak dit makliker om die pizza op te tel. Smeer die tamatie-mengsel bo-op die deeg. Sprinkel gerasperde pecorino-kaas oor, rangskik olywe bo-op en sprinkel origanum oor. Drup ’n klein bietjie olyfolie oor en plaas in warm oond. Bak vir sowat 20 - 25 minute.