(8 - 10 porsies)

  • 8 eiers, geskei
  • 420 g (500 ml) strooisuiker
  • 250 ml sonneblomolie
  • 250 ml warm water
  • 280 g (500 ml) koekmeel
  • 30 ml bakpoeier
  • 60 ml kakao
  • 5 ml sout
  • 100 ml Frangelico-likeur, of enige ander van jou keuse
botterversiersel

  • 500 g botter
  • 650 g (1 250 ml) versiersuiker, gesif
  • 80 ml kakao, gesif
  • 250 g aarbeie

Verhit oond tot 180 °C. Spuit twee losboompanne van 30 cm elk met kleefwerende sproei en voer uit met bakpapier. Klits eiergele en suiker goed in 'n middelslag-mengbak. Voeg olie en water by en meng goed. Sif droë bestanddele saam en meng by oliemengsel. Klits eierwitte met 'n elektriese klitser tot sagte punte vorm en vou by beslag in. Verdeel mengsel tussen twee panne en bak vir 30 - 35 minute of tot 'n toetspen skoon uitkom. Sprinkel Frangelico oor en laat afkoel. Room botter vir versiersel tot lig en romerig in jou elektriese menger. Voeg versiersuiker en kakao by. Meng goed. Verdeel elke koek in twee helftes met 'n skerp mes. Verdeel versiersel tussen elke laag en plaas op mekaar. Eindig met versiersel bo-op. Sit aarbeie op en sit voor.