(sowat 100 koekies)

  • 800 g botter
  • 400 g versiersuiker
  • 8 eiergele
  • 1 kg koekmeel
  • ekstra meel vir uitrol

Verhit oond tot 180 °C. Klits botter en versiersuiker tot lig en romerig. Voeg eiergele by en meng goed. Voeg meel by en meng tot deeg in een bal saamkom. Draai toe in kleefplastiek en laat rus in yskas vir sowat 25 minute. Rol uit tot sowat 3 mm dik op 'n meelbestrooide oppervlak. Sny ster-patrone uit met skerp koekiedrukkers. Gebruik nou 'n sosatiestokkie en maak 'n klein gaatjie bo-aan elke koekie om dit op te hang. Plaas op 'n bakplaat wat uitgevoer is met bakpapier. Bak vir 12 - 15 minute of tot goudbruin. Laat afkoel. Bind toutjies of lintjies aan elke koekie en hang aan die Kersboom.

Versiersel

  • 200 g versiersuiker
  • sap van 1 suurlemoen
  • water

Meng versiersuiker en sap.Voeg genoeg water by vir 'n dik loperige pasta. Versier koekies en laat hard word.