(6 porsies)

  • 500 ml room
  • 200 g witsjokolade, fyngekap
  • 8 eiergele
  • 100 g (120 ml) strooisuiker
  • ekstra suiker vir suikerlaag
  • koekies van jou keuse vir voorsit

Verhit oond tot 150 °C. Bring room tot kookpunt en gooi bo-oor gekapte sjokolade. Roer tot gladde mengsel. Klits eiergele en strooisuiker saam tot lig en romerig. Gooi warm roommengsel by terwyl jy aanhou klits. Gooi hele mengsel deur sif. Verdeel mengsel tussen 6 oondvaste bakkies van jou keuse. Plaas die bakkies in ’n groot oondpan en vul die pan met warmwater. Plaas in warm oond. Bak vir 50 minute of tot net gestol. Haal uit oond en laat in yskas afkoel tot yskoud. Sprinkel dun lagie suiker oor elke poeding en brand bruin met kombuis-blaasvlam. Sit voor met koekies van jou keuse.