Jennifer op 50: Haar mooiste uitrustings

Deur SARIE.com-span en Amaria Carstens

11 Februarie 2019

FOTO Instagram.

Veral haar Brad Pitt-era het vir talle oomblikke gesorg.

Hollywood-ster Jennifer Aniston het vandag vyftig kersies op haar verjaardagkoek uitgeblaas.

In die 1990’s het Jennifer beroemd geword danksy die rol wat sy in die gewilde Amerikaanse sitkom Friends gespeel het. Haar karakter, Rachel Green, het haar hare kort-kort verander en elke keer dat sy dit gedoen het, het vroue wêreldwyd haar voorbeeld gevolg. Dit het as die Rachel Green-effek bekend gestaan.

Oor die jare het Jennifer talle wen-oomblikke op die rooi tapyt gehad. Volgens Amaria Carstens, SARIE se moderedakteur, was van haar mooiste oomblikke tussen 2000 en 2005, toe sy nog met die akteur Brad Pitt getroud was.

Deesdae word Jennifer gewoonlik in swart op die rooi tapyt gesien.

“Sy bly maar die koningin van die little black dress. Dié kleur is duidelik haar eerste keuse vir enige rooitapytgeleentheid. Maar so nou en dan verras sy ons met iets anders - van ’n treffende rooi rok tot ’n skepping in ’n neutrale kleur. Boonop weet Jennifer hoe om haar bates te beklemtoon, veral daardie ongelooflike paar bene van haar.”