Geen stres oor die weer, 'n heerlike Afrikaanse span – ja, kan julle dit glo, die hele span (fotograaf, hare, grimering en model) was Afrikaans. Nogal lekker om op 'n shoot heeldag in jou moedertaal te praat.

Vir die eerste keer in 'n lang ruk het ek 'n dramavrye shoot gehad op die dag self. Die enigste drama was om die perfekte plek te kry. Dit is net vir my skokkend hoe geldgierig Suid-Afrikaners is en hoe hulle net op uitlanders wil fokus. Dit is vir my tragies dat ons as Suid-Afrikaners nie eens sekere goed in ons eie land kan geniet nie, omdat die pryse geheel en al buite ons bereik is. Want ja, daar is mense wat tot R17 000 vra wanneer daar 'n shoot in hul huis plaasvind. R17 000?!!?!? – ek meen, dit is meer as sekere mense se huis-paaiemente in 'n maand. Dan is daar ander plekke wat R4 500 vra vir 'n murasie – geen toiletgeriewe, lopende water of elektrisiteit is beskikbaar nie. Absoluut skokkend!

So, waardeer die setting van enige mode-shoot, want dit is nie maklik om die perfekte plek te kry nie. Dit is dae tot selfs weke se onderhandeling en frustrasies!

En so lyk die mooie eindresultaat. Vir meer Chanel-inspirasie, kry die Desember-uitgawe van SARIE (vanaf 9 November te koop)

Desember-uitgawe se mode