Wanneer voel jy sexy?
Dit gaan vir my oor die gevoel. Dit maak nie saak wat ek aanhet nie, dit gaan eerder oor my gemoedstoestand. Soms is dit in die oggend as ek goed geslaap het en ander kere as ek mooi gegrimeer is en my hare is gestileer – al het ek iets eenvoudigs soos ’n denimbroek, hakke en ’n mooi toppie aan.

Dink jy mans se idee van sexy verskil van vroue s’n?
Beslis. Ek dink vir ’n vrou is iemand sexy wanneer sy haarself goed dra en selfvertroue uitstraal. Ek dink vir mans hang dit baie meer af van wát sy dra.

Watter vrou is vir jou sexy?
Die aktrise en model Milla Jovovich. Sy het selfvertroue, ’n bietjie geheimsinnigheid en jy kan dit in haar oë sien – sy straal dit uit.        

* Kuier agter die skerms saam met Candice tydens die skiet van die Lente/Somer 2010-Guess Jeans-advertensieveldtog.