Op 12 het die internasionale modewêreld al vir dié Kaapse model begin knipoog. Sy’s een van ons mees gesogte modelle oorsee en het al vir groot internasionale name soos Guess, Gucci en Ralph Lauren gewerk.

Leefwyse:
“My lewe is in die wolke. Op die oomblik beskou ek vliegtuie as my huis en ek lewe meestal uit my tas, maar ek sien wonderlike plekke.”

Terugslag:
“In Oktober 2008 is ek ernstig in ’n groot motorongeluk in Kaapstad beseer. Ek het drie of vier maande daarna weer begin werk. Alles gebeur om ’n rede. Ek kon baie kosbare tyd saam met my geliefdes deurbring.”

Persoonlikheid:
“Ek’s ’n skaam, teruggetrokke mens en dink meer as wat ek praat. Ek dagdroom 90% van die tyd.”

Hoe hou jy jou voete op die grond?
“Toemaar, die modebedryf doen dit sommer vír jou.”

Toekomsplanne:
“Om in Franse kunsflieks te speel. Ek sal seker eers die taal moet leer praat!”