Bertha le Roux is so te sê klaar met haar refeeding-program. Sy het vroeër vertel dié deel van Dr Cohen’s First Personal Diet, die dieet wat sy volg, behels dat sy groter porsies kan eet en ook weer melk en brood kan geniet. Sy het sowat 20kg verloor en is steeds dolgelukkig met die resultate!

"Ek is nou besig met die laaste stuiptrekkings van die dieet."

Sy sien baie daarna uit om weer snoek, soesji en wyn te geniet as sy klaar is met die dieet.

"Dis darem moeilik om sonder ‘n glasie wyn te kuier! Ná die dieet sal ek enigiets kan eet, maar ek moet matigheid voor oë hou."

Haar grootste uitdaging nou is om nie elke keer ‘n koekie te eet wanneer haar dogtertjie, Kiana, een eet nie. Sy gaan nou ‘n eetprogram volg wat sal keer dat sy nie weer gewig optel nie.