Lees ook Fibromialgie deel 1 en deel 2:

Dis aanbeveel deur webmd.com.

* Sommige mense se pyn verminder as hulle suiker, fruktose en verfynde koolhidrate (soos witbrood) los. Chroniese gisswam-infeksies floreer daarop. Kenners debatteer nog daaroor, maar dis dalk ’n sekondêre toestand by FMS-lyers, wat spier- en gewrigspyn vererger. Gis moet om dieselfde rede uitgesny word: Dit kan die groei van die gisswam in jou lyf stimuleer.

* Tamaties, brandrissies, aartappels en eiervrug, die eetbare plante in die nastergal-familie, kan verskeie soorte artritis laat opvlam – ook FMS.

* ’n Gluten-intoleransie veroorsaak ’n verskeidenheid maag- en spysver-teringsprobleme en word geassosieer met moegheid by FMS-lyers.

* Dis bekend dat suiwel-produkte, veral melk, FMS se simptome dryf. In ’n klein studie het 25% van FMS-lyers se immuniteit negatief op suiwel gereageer.

* In nog ’n klein studie is gevind mense met FMS voel beter as hulle aspartaam (in versoeters soos Nutra Sweet) en MSG (’n chemiese geurmiddel) vermy, aldus die Annals of Pharmacotherapy.

Sny al dié kosse uit jou dieet (almal gelyk of een vir een) en kyk of jou simptome verbeter.