Jy het dalk 'n "appel-figuur". Of miskien is jy eerder 'n sogenaamde "peer", want jy is breër om die heup en dis veral jou "donderdye" wat pla.

Ons is mos nooit tevrede met onsself nie. Maar dit gaan hier om meer as net voorkoms. 'n "Appel" of  'n "peervorm" verwys na die plek waar jy geneig is om die meeste vet aan te sit, al is jy nie oorgewig nie. Dit vergroot ook jou kans op sekere siektes.

Só is in 'n wêreldwye studie gevind jou middelmaat is 'n drie keer groter voorspeller van moontlike hartsiektes as jou liggaamsmassa-indeks (LMI), oftewel die verhouding tussen jou gewig en jou lengte. Die Journal of the American Medical Association het dokters daarna gewaarsku om hul pasiënte met appelfigure vir hartsiektes te toets - selfs al is hulle nie vet nie.

Kry in SARIE GESOND, tot einde Desember beskikbaar, dieet- en oefenriglyne vir ''appels'' en ''pere''.