Menopouse is wanneer jou eierstokke ophou eiers vrystel en jy ophou menstrueer. Dit gebeur gewoonlik tussen die ouderdomme van 45 en 55 jaar, maar jou menstruasie kan reeds 2-14 jaar vooraf ongereeld wees. In dié tyd kan jy sukkel met warm gloede, nagsweet, slegte slaap en vaginale droogheid.

Dit word peri-menopouse of jou menopousale oorgangsjare genoem. Jy is post-menopousaal as jy minstens ’n jaar lank nie gemenstrueer het nie.

Die simptome van peri-menopouse wissel baie en kan uit die bloute verskyn. Vir sommige vroue is daar duidelike tekens, maar vir ander tree die veranderinge geleidelik in.

Moontlike simptome van peri-menopouse:

  • Warm gloede
  • Nagsweet
  • Slaappatroon verander
  • Geswelde of teer borste
  • Lyfseer (veral seer gewrigte)
  • Laer libido
  • Verandering in urinêre funksie (bv. inkontinensie)
  • Gewigstoename
  • Vergeetagtigheid
  • Buierigheid
  • Angs
  • Hoofpyn/migraine
  • Ongereelde maandstonde
  • Vel verander (bv. verminderde elastisiteit)
  • Simptome wat swangerskap naboots: seer borste, moegheid, groter eetlus, tranerigheid

FOTO: Unsplash / Leighann Renee

Slaap en menopouse

Tydens die oorgang na menopouse sukkel byna 75% van vroue met rustelose slaap weens warm gloede en nagsweet.

Dié simptome veroorsaak ’n slegte nagrus, aangesien jou liggaam se temperatuur moet daal voordat jy aan die slaap kan raak – en aan die slaap bly. Wanneer jou liggaamstemperatuur in die oggendure styg, is dit jou liggaam se natuurlike teken om wakker te word. En dis net hier waar die menopouse-simptome jou slaap versteur. 

FOTO: Unsplash / Kinga Cichewicz

Protect-A-Bed deel sewe wenke waarmee jy koel en rustig kan slaap. 

1. Verkoel jou kamer 

Dis makliker om jou kamer se temperatuur te beheer as jou liggaamstemperatuur. Die ideale kamertemperatuur vir ’n goeie nagrus is tussen 15,5 en 19,5 grade Celsius.

Keer dat direkte sonlig deur die dag jou slaapkamer binnekom deur jou gordyne en blindelings bedags toe te hou. As jy nie lugverkoeling het nie, kan jy die venster en kamerdeur ooplos vir ’n trek of ’n waaier gebruik.

2. Slaap op ’n koel matras

Belê in ’n verkoelende matrasbeskermer soos Protect-A-Bed se Therm-A-Sleep-reeks. Dié matrasbeskermers is van verkoelende stowwe gemaak wat jou liggaam regdeur die nag koel en droog hou en jou liggaamstemperatuur sodoende konstant hou – ongeag watter matras jy gebruik.

3. Kies natuurlike stowwe

Kies nagklere en beddegoed wat van natuurlike (nie-sintetiese) materiaal gemaak is. Katoen en linne is stowwe wat beter “asemhaal” en ook vog beter absorbeer as sintetiese stowwe. Kies ook nagklere en beddegoed wat liggewig is en losser om jou lyf sit. Stywe, swaar items kan warm gloede en nagsweet vererger.

FOTO: Gallo Images / Getty Images

 4. Koel af voor jy gaan slaap

Dit klink dalk teenstrydig, maar ’n warm bad ’n uur voor jy gaan slaap kan jou liggaam help om af te koel. Die bad sal jou boonop help ontspan, wat verder help om warm gloede te keer. Die teenoorgestelde geld ook: ’n koue stort of bad verhoog jou liggaamstemperatuur om vir die skielike koue te vergoed.

5. Bly gehidreer

Jou liggaam kort water om jou liggaamstemperatuur te reguleer, so drink genoeg water voor jy bed toe gaan. Hou ook ’n glas water met ys op jou bedkassie ingeval jy gedurende die nag dors word.

6. Moenie oefen voor jy gaan slaap nie

Oefening help jou om te ontspan, wat warm gloede kan keer. Moet dit egter nie voor slaaptyd doen nie. Jou liggaamstemperatuur is vir twee uur ná oefening nog hoog.

7. Pasop wat jy eet of drink

Jou liggaamstemperatuur styg wanneer jy eet, moet dus nie te laat eet nie. Kafeïen, alkohol en speserye kan warm gloede en nagsweet vererger – vermy dit dus voor slaaptyd. Alkohol is veral ’n sondaar omdat dit jou bloedvate wyer maak en jou laat sweet.

Kry meer inligting oor Protect-A-Bed se Therm-A-Sleep- verkoelende kussing-, kussing- en matrasbeskermers: Besoek jou naaste Dail a Bed-winkel of klik op die skakel.

Die Therm-A-Sleep-reeks