"Hulle hou daarvan om hul intieme gevoelens met ander te bespreek en vorm eerder langbindende vriendskappe as mans. As 'n vrou met haar man kon praat op dieselfde vlak as wat sy met haar vriendinne kan kommunikeer, sou meer huwelike geslaag het."

Vroue verwag dieselfde lojaliteit van hul vriendinne as wat hulle gee. Hulle wil simpatie hê en nie kritiek nie. Dis byna asof hulle onvoorwaardelike steun verwag, sê sy.

"Vroue staan in krisistye bankvas agter mekaar. Hul koesterende, omgee-eienskappe tree dan na vore. Dit lei tot 'n vernuwende diepte in die vriendskap."

Navorsing aan die Universiteit van Kalifornië in Los Angeles het gewys koesterende vriendskappe tussen vroue verlig stres en verminder hartsiektes en kan dalk een van die redes wees hoekom vroue langer leef as mans