Dr. Willem Botha, hoofredakteur van die Woordeboek van die Afrikaanse Taal (WAT), het onlangs net goeie goed oor brabbelmix te sê gehad.

Ons beleef ‘n wondermoment, ‘n hoogtepunt in die geskiedenis van die taal. Afrikaans is in ‘n bloeityd want skeppende kragte is oor die laaste 15 jaar losgelaat.

Hy sê dat jongmense gedwing word om meer Engels te praat weens die mark waarin hulle beweeg. Ons moet ook verstaan dat idiome nog 'n plek het, maar dat nuwe idiome ook geskep moet word.

Só klink brabbelmix

Van die jongmense by die kongres waar dr. Botha gepraat het, het hulle eie voorbeelde van brabbelmix gegee:

“Ek dink dit is ‘n goeie tyd vir verandering. Dis veral okay om eg Suid-Afrikaanse woorde in te meng. Soos om te praat van my bra of om met awe te groet; om te sê iets is sharp of mnca, of om laduma te gebruik. Dis eie aan ons. Dit is moeilik om by Afrikaans te bly, want ons word groot met Engels as die groter taal. Maar ek love 'sexy' as ‘n woord. Dis cool en nice. Ek like dit!” (Bianca Burger, 18 van Walvisbaai Private Hoërskool)

“Koel is ‘n temperatuur. Cool beteken jy moenie worry nie, of dat jy ‘n oulike of populêre mens is.” (Juane Nieuwenhuis, 17 van Hoërskool Bergvlam in Nelspruit)

Verwerk van 'n AKTV-nuusvrystelling

WAT DINK JY? IS HIERDIE TAALGEBRUIK OKAY VIR JOU?