Die Amerikaanse fotograaf Mandy Parks het onlangs ’n roerende fotosessie gedeel wat soos ’n veldbrand op die kuberruim versprei het. 

In die eerste foto staan die getroude paartjie Kelsey en Charlie Johnson in ’n veld. Charlie lyk pragtig in ’n pienk rok, haar blonde lokke sag gekrul. In die volgende foto sit sy voor ’n spieëltafel en dan begin Kelsey haar hare afskeer. In die laaste foto staan sy met pienk bokshandskoene aan, kaalkop geskeer.

Die emosionele oomblikke is deur Mandy, ’n vriendin, vasgevang. Charlie is met borskanker gediagnoseer en het met chemo-behandeling begin. Toe haar hare begin uitval, het sy besluit Kelsey moet dit afskeer. Die twee vriendinne wou graag iets doen om bewustheid oor borskanker te bevorder.

“Dankie dat ek die seer, die skoonheid kon vasvang,” het die fotograaf op Instagram geskryf.

Kyk die roerende foto’s hier:

View this post on Instagram

#fightlikeagirl

A post shared by Mandy Parks Photography (@mandyparksphotography) on

Bors-biopsie: Dís wat jy moet weet

As toetse wys jy het dalk kanker, is ’n biopsie die enigste manier om met sekerheid vas te stel of dit wel so is. Maar die meeste bors-biopsie-uitslae is goeie nuus. ’n Biopsie behels die verwydering van vloeistof of weefsel van ’n verdagte plek in jou bors, volgens die Amerikaanse kankervereniging (www.cancer.org). ’n Patoloog ondersoek dit dan onder ’n mikroskoop vir borskanker.

Lees meer hier.

FOTO Getty Images / Gallo Images

As dokter skielik pasiënt is

Sy was altyd die een wat ander moed ingepraat het. Toe word dr. Trusia Burgers van Somerset-Wes met borskanker gediagnoseer. Die siekte wat haar lewe ’n jaar lank oorheers het ...

As sy nou terugkyk op haar kanker-reis, besef sy dit was nodig dat sy dié siekte vanuit die perspektief van die pasiënt, pleks van die dokter, moes ervaar. “Vóór ek kanker gekry het, was my identiteit hoofsaaklik aan my beroep gekoppel. Nou besef ek dat ek eerstens ’n kind van die Here is. Daarna kom al my ander rolle – ma, eggenoot, dokter, vriendin.”

Lees meer hier.

Trusia saam met haar man, Bharn, en kinders, Mieke (5) en Herman (3), op Nature’s Valley se strand. FOTO Verskaf