"Ek’s Isabella. En het soos ‘n hele spul ander mense die ligte, verkeersligte en stopligte van verkeersknope van die stad verruil om in ‘n sementhuis op ‘n duin in ‘n klein weskusdorpie verligting te kom vind en my siel te voer....

Vir jare was wêreldstede en tydskrifte my speelveld...was ek minder slim om uit te klim want "out of sight, out of circulation"? Of het ek net verskuif van huis en kantoor "with a view"?

Die pluspunte van my nuwe kantoor: die strand vir jouself heel oggend tot so 11.30. Sonsondergang. Afterglow. Wat jy ookal  gehoor het, dit is daar. Die eiland-sindroom bestaan!!!!

Daar's minder pluspunte: jy in jou flennie-pajamabroek op die strand laat mense praat; jou gespikkelde Dalmation kry die skuld vir als...al verlaat sy nooit die erf nie. Jou kind met sy rasta dreadlocks en kite-surfing-bestaan kan net onheil beteken!!

Tussen ‘n duin en die turkoois oseaan is daar twee keuses: sink of swem. Hoe lank kan ‘n city girl water trap?!

Skielik ontdek ek, ek kan goed doen wat ek nooit van geweet het nie.....Ek kan kook...en goed; ek kan organiseer en weereens goed. En ek is gek daaroor om gewone dinge en plekke mooi te maak. En mense te laat smul en smile en hulself geniet!!!

Die resultaat:

'n Kosmark op Vredenburg elke eerste Saterdag van die maand maak van small town ‘n smul town; klein troues word vir die beste en mooistes in die land omskep in groot memories; boekbekendstellings en vroue-dae of enige verskoning om 40 pêlle om een tafel te laat kuier.

Die uitsig is asemrowend en terwyl die gaste kuier, klets en wyn drink, geniet ek myself gate uit met bak en brou. Weskus-tapas het my eie stempel geword.... Jy vat bietjie van die Spanjaarde en dan van die Portugese en dan bring jou eie aanslag....bo-baas-spysenier Pauline Schreuder van Moorreesburg gee haar sampioen-patee en rolkaas met rosyne geweek in brandewyn en uit my ma se kookboek kom pampoenkoekies....en Jennifer van Louwville se pikante engelviskoekies....als klein en delikaat.

Ek pak die onmoontlike aan. Ek leer die heel heel beste in die land ken - al woon hulle in Sandton of Koringberg. Ek leer chandeliers maak van strikke en gebreek skulp...die mees unieke in die land en jy word die queen van strikke binde....soos niemand anders. Die duine en die omgewing is soos Pandora's box.

As ek terugkyk na die stad hou ek van my nuwe "corporate" lewe....my tweede kans waar ek leer die onmoontlike is moontlik!!

Een van persoonlike beste talente?

Ek verdwaal altyd.....en in my verdwaaldheid kom ek op die mees ongelooflike goed af wat ek graag met ander sal wil deel. Hoekom moet ek die enigste lucky queen of the dune wees!!

As dit vir julle OK is, gaan ek al die inligting en al die stories met julle deel."

Isabella Niehaus