SARIE se Johannesburg-kantoor

Julle sal dit nie glo nie, maar ons is net 5 mense in SARIE se Johannesburg-kantoor! So, met al die baie launches en stories wat in Gauteng gebeur is hier nooit n somber oomblik nie. Tans het ons n intern wat darem ook bietjie help om die werklas te verlig. Maar voor ek wegspring met my dagboek wil ek julle eers aan ons span voorstel:

1. Phyllis Green is die een wat sorg dat die portretfoto’s in ons tydskrif so mooi lyk en sy lees ook teen die spoed van wit lig – daarom is sy ook ons boekeredakteur.

Phyllis Green

2. As jy SARIE bel en die vriendelike stem hoor wat antwoord, dan praat jy met Liesel Pienaar, ons redaksionele assistent. Sy help my ook om die 100e skoonheidsprodukte wat ons ontvang uit te sorteer – maar meer hieroor later.

Liesel Pienaar

3. Charis Labuschagne is ons kantoor se joernalis en skryf letterlik oor almal en alles: van n voorbladgesig tot n man wat sjimpansees in Afrika red!

Charis Labuschagne

4. Fanie Cronjé is SARIE se stilis. Dit is hy wat sorg dat ons voorblaaie so mooi lyk. Hy is ook ons sosiale redakteur en hoewel die titel na hope pret klink, is dit baie harde werk om heeltyd so sprankelend soos hy te wees.

Fanie Cronjé

5. Monet Engelbrecht is ons intern vir 3 maande en ons gee haar die volle Devil Wears Prada-ervaring. Sy doen navorsing vir ons en hardloop rond om klere wat op shoots gebruik is terug te vat en inkopies te doen.

Monet Engelbrecht

6. Ek is die skoonheidsredakteur en as julle hierdie blog dophou sal julle presies uitvind wat ek doen!

 Mariska van Rooyen

PS: Vir nog SARIE-nuus besoek ons by www.sarie.com