Ek het so paar weke gelede vir Tia Hebron, die skoonheidshuis Bobbi Brown se opleidingsbestuurder in New York, ontmoet vir 'n een tot een sessie by Melrose Arch Hotel in Johannesburg!

Tia is een van die grimeerghoeroe Bobbi Brown se regterhande en buiten die opleidingsessies wat sy wêreldwyd aanbied, doen sy grimering vir topontwerpers by internasionale modeweke. Sy is gelukkig nie bang om haar grimeertruuks te deel nie en volgens haar kan jy net 4 klein dingetjies elke oggend vir jou voorkoms doen wat 'n groot verskil sal maak:

Dit is

1. Maskara

2. Oogomlyner

3. Blosser en

4. 'n Lipkleur. (Ek gebruik op die oomblik Bobbi Brown se oogomlyner - Long-Wear Gel Eyeliner in Black Ink.)

Tia sit vir my oogomlyner aan om te wys watter groot verskil dit kan maak.

Mariska en Tia Hebron van Bobbi Brown

Tia kleur my wenkbroue in - sy sê dit bring dadelik jou oë uit!

 Mariska en Tia Hebron van Bobbi Brown

Tia wys die nuwe glitter vir jou oë - n moet vir die somer. (MAL oor haar swart naels!)

Mariska en Tia Hebron van Bobbi Brown

Tia illustreer op my hand hoekom dit noodsaaklik is om vogroom onder jou onderlaag te gebruik. (Sonder n vogroom wend jy maklik te veel onderlaag aan en jou vel kan gou droog lyk.)

Mariska en Tia Hebron van Bobbi Brown

Ek en Tia.

Kyk uit vir nog grimeertruuks op SKOONHEID op sarie.com.