Plat, olierige hare met min volume is een van die grootste haarkwessies wat ons gemoed kan omkrap. Daar ís 'n kitsoplossing: droë sjampoe.

Droë sjampoe is die skoonheidsproduk wat mense die afgelope twee jaar die meeste gegoogle het naas krultange, volgens ’n tendensverslag van dié soekenjin. Maar 32% van SARIE.com-lesers het nog nooit van droë sjampoe gehoor nie.

via GIPHY

Hoe werk droë sjampoe?

Dit bevat styselagtige bestandele wat oortollige olie op jou kopvel absorbeer en jou hare in ’n japtrap skoner laat lyk. Dis as ’n poeier of sproei beskikbaar en gaan lê as ’n fyn lagie op jou kopvel en hare, waar dit volume by jou haarwortels skep en tekstuur aan die res van jou kroon gee.

Wie kan dit gebruik?

Dis geskik vir alle haarsoorte en -kleure.

Die grootste fout wat vroue maak?

Die grootste fout wat vroue maak, is om die droë sjampoe te naby aan hul kop te hou wanneer hulle dit aanspuit. Dit kan dan ’n wit poeierlagie op jou hare agterlaat omdat die produk op een plek gekonsentreer is en die formule nie ordentlik droogword nie. Vir die beste resultate, hou die blikkie so 18 - 20 cm weg van jou kopvel.

Probeer dié droë sjampoes:

1.TRESemmé Instant Refresh Translucent Dry Shampoo (R62)

2. Lee Stafford Coco Loco Coconut Dry Shampoo (R100)

3. Girlz Only Dry Shampoo in Party Nights (R80)

By Dis-Chem

4. Batiste Dry Shampoo Medium & Brunette Hair (R90)

5. Colab Dry Shampoo Extreme Volume in Monaco (R100)