"Naels is hierdie lente pers en pienk vanweë die groot punk-invloed wat daar tans in die grimeerwêreld is," vertel grimeerkunstenaar Liz van der Merwe.

"Pers is veral ideaal, want dit lyk mooi by alle velkleure en is die perfekte oorgang tussen die winter se donkerrooi en swart, en die geel, pienk en oranje wat ons in die somer gaan sien. Pers gee jou lewe 'n bietjie skop met 'n rock and roll-gevoel!

Probeer SpaRitual Nail Lacquer in Shoot ForThe Stars (R105), wat organies is en saam met sy eie gelukbringer kom, Essie in Splash of Grenadine (R62,64), Rimmel 60 Seconds in Fast & Fuchsia (R49,95) of Chanel Nail Colour in Rose Insolent (R235).