Ons sien dit oral: Aktrise Diane Kruger smeul met pin curls, Beyoncé het ’n byekorfhaarstyl, Nicole Richie pronk met ’n dun haarband en Dita von Teese is elegant met 50’s-krulle.“Alles oud is nou weer nuut,” sê Zana Young, haarstilis en eienaar van Hairtista in Johannesburg. Rocking retro-hare, só noem sy dié tendens, en volgens haar is dit dié inspirasie vir 2010-kapsels.
Ander tendense, sê Zana, is ’n kuif wat kant toe gekam word en ’n middelpaadjie vir lang, gekartelde hare, of ’n bob met punte wat ’n bietjie meer tekstuur kry. Grimeerkunstenaar en haarstilis Adelle Jung sê ook ou Hollywood is die moderne ding: “Die chignon is gróót. Hierdie somer dra almal ’n bolla, maar dis sagter en losser as die ou biblioteek-bolla – én maklik!”
Hande in die hare?
Zana het die antwoord op jou haar-dilemmas. Probleem
Jou hare lyk plat en leweloos

Oplossing As jy jou opknapper nie goed uitspoel nie, sal jou hare plat lê. As jy fyn hare het, sorg dat jy nie opknapper teenaan die haarwortels kry nie. Gee jou kapsel ’n hupstoot met REDKEN ROOTFUL 06 ROOT LIFTING SPRAY (R225) en SCHWARZKOPF OSIS+ GLAMOUR QUEEN VOLUMISING HAIRSPRAY (R218,88). Probleem
Jou hare se natuurlike glans is daarmee heen
Oplossing Vul jou dieet aan met vitamiene B, C en E en minerale soos sink. Vetsure in neute, sade en vis sal ook help om jou hare glans te gee.’n Goeie opknapper verrig wondere, en wanneer jy klaar jou hare gestileer het, gebruik ’n produk soos GHD SHINING SERUM FOR DRY. FRIZZY HAIR (R195), wat droë hare en gebreekte punte tem en glans gee. Of probeer PHILIP KINGSLEY ELASTICIZER INTENSIVE SUPER-MOISTURIZING TREATMENT FOR ALL HAIR TYPES (R530) wat wip en veerkragtigheid terugsit. Probleem
Jou hare is droog en bros
Oplossing ’n Intensiewe behandeling een keer per week sal jou hare voed. As jy krulhare het, het dit meer vog nodig, terwyl reguit hare proteïene vra. Probeer SEBASTIAN PROFESSIONAL HYDRE MOISTURIZING SHAMPOO (R215), wat droë hare vog gee, of L'OréAL PROFESSIONNEL NATURE  INTENSE NOURISHMENT FOR EXTREMELY SENSITISED HAIR (R240) – ’n haarmasker wat voed met natuurlike bestanddele. Probleem
Jou hare kroes en krul

Oplossing Vir skemerkelk-partytjies is ’n stileeryster (soos GHD s’n, R1 900) die antwoord, maar sorg dat jy die nodige beskerming gee met TRESEMME PROTECT HEAT DEFENCE STYLING SPRAY (R9,99).’n Goeie oplossing vir die strand is om jou hare permanent reguit te laat maak met BIO IONICS PERMANENT HAIR STRAIGHTENING SYSTEM (R1 800 – R4 500). Dié behandeling maak selfs die kroesste hare reguit, en die dele wat behandel is, krul nooit weer nie. Skakel 082 452 9909 vir meer inligting.

HAARKLEUR 'N EMOSIONELE KEUSE
Michelle Botes glo dat haar hare nog altyd gehelp het om ’n TV-storie te vertel: In Konings was sy blond om Santie te speel, in Arende’n donkerkop-eilandmeisie en in Isidingo die vurige rooikop Cherel. In Binnelanders (waar sy tans die rol van Ingrid vertolk) was haar hare ook in die kollig toe dit begin uitval het weens kanker.“Jou hare vertel ’n storie, dis ’n baie emosionele ding,” sê Michelle. Maar is daar iets aan haar eie hare waarvan sy nie hou nie? “Ek het te min hare en party dae het hulle ’n lewe van hul eie!” sê sy. Tans is sy die gesig van Garnier Nutrisse Cream se nuwe Irresistible Berry-haarkleur.
Lees ons volle onderhoud met Michelle by sarie.com>skoonheid.
Garnier Nutrisse Cream in Irresistible Berry (R99,95) bevat avokado-olie wat hare bevog en sal 100% met grys hare klaarspeel.Sorg dat jy jou haarkleur behou met VO5 Face Defy Leave-in Daily Colour Lock (R19,99).

 
Sebastian Professional Hydre Moisturizing Shampoo
Philip Kingsley
Redken Rootful 06
Root Lifting Spray (R225)
Schwarzkopf
Osis+ Glamour
Queen Hairspray
(R218,88)

GHD Shining Serum for
Dry, Frizzy Hair (R195)

Philip Kingsley
Elasticizer Intensive
Super-Moisturizing
Treatment (R530)

Sebastian
Professional Hydre
Moisturizing Shampoo (R215)
L’Oréal Professionnel
Nature Intense
Nourishment for Extremely
Sensitised Hair (R240)