Volg dié stappe voor jy daardie nuwe kleur aanwend om gevlekte naels te vermy:

  • Haal enige ou naellak behoorlik met naellakverwyderaar af voordat jy enige nuwes aansit.
  • As jou naels reeds skoon is, is dit steeds nodig om met naellakverwyderaar daaroor te vee. Só verwyder jy oortollige olie op jou naels, en behoort jou naellak langer aan te bly.
  • Moenie jou nuwe naellak skud nie! Dit veroorsaak dat borreltjies vorm. Rol eerder die botteltjie tussen jou hande vir so 30 sekondes.
  • Die belangrikste is om vooraf ’n laag deurskynende naellak aan te wend. Wag totdat dit heeltemal droog is voordat jy jou nuwe kleur aanverf!