WAT SÊ DIE MANS

Neil Sandilands, akteur

Hoe voel jy oor selluliet?
Wat vir my aanloklik of net plein mooi is, is hoe gemaklik 'n vrou met haar package is.

Waarna kyk 'n man as hy na boude loer?
Boudjies is sulke ongelooflike goed waarmee ons geskape is - vir my is dit wat ons menslik maak. Boudjies kan soveel dinge wees: komies of verleidelik - en dit het verskillende betekenisse in verskillende kulture.

Waarvan hou jy aan 'n vrou se lyf?
Elke klein nuk en hoekie - van haar kleintoontjie tot by haar oorlel. Vroue ruik anders en voel anders en het ander kurwes op ander plekke - what is not to love?

Wat sal jy vir 'n meisie sê wat kla oor haar selluliet?
Dit moet liewer daaroor gaan dat jou liggaam gesond is, jou bloeddruk lekker is en jou spiere geoefen, dan is alles reg.

Jan Blohm, sanger

Dink jy vroue is onnodig obsessief oor selluliet?

Nee, ek dink dit het te doen met die grotvrou-sindroom. Ek glo vroue streef onbewustelik na 'n perfekte liggaam om aantreklik vir die teenoorgestelde geslag te wees. Om vrugbaar voor te kom, sê die samelewing jy moet jonk en mooi lyk.

Sien mans dit ooit raak?

Ek dink elke man het 'n verskillende stel reëls, gelowe en dus fokusse vir 'n vrou om aantreklik te wees. My fokus is intelligensie. Ek sien dit raak met my oë, maar nie met my hart nie.

Wat sal jy vir 'n meisie sê wat kla oor haar selluliet?

Om haar fokus te verander weg van die klein goedjies wat nie perfek is nie, na die enorme hoeveelheid goed wat pragtig is.

Waarvan hou jy die meeste van 'n vrou se lyf?

Mooi, versorgde voete en hande.