Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Atletiek
Diamantliga-byeenkomste sneuwel

Die organiseerders van die Diamantliga-atletiekreeks het Vrydag nog twee byeenkomste geskrap, terwyl ’n derde een uitgestel is.

Die Diamantliga-byeenkoms in Parys, Frankryk, wat vir 6 September geskeduleer was, en die Prefontaine Classic-byeenkoms in Eugene, Oregon, sal eers weer in 2021 gehou word.

Die VSA se 200 m-wêreldkampioen, Noah Lyles, in 2019 in aksie in die Diamantliga-byeenkoms in Parys. Dié byeenkoms sal nie vanjaar aangebied word nie. Foto: Getty Images

Die Müller Grand Prix-byeenkoms in Gateshead, Engeland, sal wel later vanjaar plaasvind.

Die byeenkoms in Parys is in die wiele gery nadat die Franse regering aangekondig het dat geen massasaamtrekke mag plaasvind nie. Die organiseerders het besluit het om nie die byeenkoms sonder toeskouers aan te bied nie.

Wêreldatletiek sê dat dié byeenkoms weer in Augustus 2021 gehou sal word wanneer vrywilligers gebruik kan word en ster-atlete weer kan deelneem.

Die Prefontaine Classic, wat vir 4 Oktober geskeduleer was, moes ook gekanselleer word, omdat Oregon self nog ’n verbod op groot saamtrekke het.

Die byeenkoms sal volgende jaar weer gehou word en aan die Universiteit van Oregon die geleentheid bied om sy nuwe Hayward-atletiekbaan bekend te stel.

Wêreldatletiek sê hy krap steeds kop oor ’n datum vir die Müller Grand Prix, maar die plan is dat dit steeds vanjaar plaasvind.

“Ons het 12 September geïdentifiseer as ’n moontlike alternatiewe datum,” sê organiseerders in ’n verklaring.

“Dit kan nog nie finaal bevestig word nie weens die Britse regering se riglyne en maatreëls.”

Die Covid-19-pandemie en die wêreldwye gesondheidskrisis kan egter beteken dat nog veranderinge kan plaasvind.

Die reeks se formaat is reeds vir vanjaar aangepas met korter byeenkomste. Daar sal ook nie ’n eindronde in Zürich gehou word nie.

Atlete verdien ook nie vanjaar ranglyspunte nie, maar kry met dié byeenkomste wel ’n kans om weer geld te verdien.

Meer oor:  Parys  |  Atletiek  |  Koronavirus  |  Diamantliga-Reeks  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.