Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gholf
Argentyn Cabrera gearresteer

Die Argentynse gholfspeler Ángel Cabrera, ’n voormalige VSA-Ope- en Meesterstoernooi-wenner, is die afgelope week in Brasilië gearresteer in verband met aanrandingsklagte wat in sy geboorteland teen hom ingedien is.

Ángel Cabrera, die Argentynse gholfspeler, is in Rio de Janeiro in hegtenis geneem. Foto: Getty Images

In ’n polisieverklaring oor die inhegtenisneming op grond van misdade wat tussen 2016 en 2020 in Argentinië gepleeg is, is Cabrera nie op die naam genoem nie, maar ’n Argentynse diplomaat het bevestig dat dit die gholfspeler is.

Claudio Gutiérrez sê Cabrera is na ’n tronk in Rio de Janeiro geneem hangende uitleweringsprosedures.

Volgens die polisieverklaring is die 51-jarige Argentyn wat op Interpol se rooilys was, by ’n woonstel in Rio de Janeiro se Leblon-distrik vasgetrek.

Cabrera, ook bekend as El Pato (Die Eend), het in 2007 die Amerikaanse Ope-kampioenskap gewen en in 2009 die Meesterstoernooi.

Hy is tans ’n lid van die PGA-Kampioenskap-toer, met sy laaste toernooi wat in September 2020 was.

Die PGA-toer gee sy totale loopbaan-verdienste as $14,7 miljoen aan. – Reuters

Meer oor:  Angel Cabrera  |  Rio De Janeiro  |  Pga-Reeks
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.