Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gholf
Southern Hills vervang Trump-baan vir major

2022 se PGA-kampioenskap, wat tot twee weke gelede by een van Donald Trump se gholfbane in New Jersey beslis sou word, is na die Southern Hills-buiteklub in Tulsa, Oklahoma, verskuif.

Die Trump National-gholfklub in Bedminster, New Jersey, wat deur pres. Donald Trump besit word, is van sy gasheerstatus vir volgende jaar se Amerikaanse PGA-kampioenskap gestroop. Foto: Getty Images

Die byeenkoms was op soek na ’n nuwe gasheer nadat die Amerikaanse PGA besluit het om die Trump National-baan van sy gasheerstatus te stroop. Dit volg nadat die voormalige Amerikaanse president duisende van sy ondersteuners aangehits het om by die Amerikaanse kongresgebou in Washington DC te betoog, terwyl die kongres besig was met die proses om Joe Biden se oorwinning in die presidentsverkiesing te bekragtig.

Die Trump-ondersteuners het in chaotiese tonele die gebou stormgeloop en vyf mense is dood.

“Opgewonde om vir die vyfde keer na die SHCC terug te keer,” sê die beheerliggaam op Twitter.

“Die baan bied ’n moeilike, maar regverdige toets vir gholf se beste spelers.”

Southern Hills het voorheen sewe van mansgholf se major-toernooie aangebied, die laaste een was die PGA-kampioenskap in 2007 toe Tiger Woods geseëvier het.

– Reuters

Meer oor:  Donald  |  Pga-Kampioenskap  |  Gholf  |  Trump
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.