Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Krieket
AB de Villiers ryg sesse in, tref motors

AB de Villiers het in sy onoorwonne kolfbeurt van 73 van net 33 balle vir die Royal Challengers Bangalore teen die Kolkata Knight Riders Maandag ’n paar motors buite die Sharjah-stadion in die straat raak geslaan.

AB de Villiers. Foto: Gallo Images

RCB het met De Villiers se goeie versnelling aan die einde 194/2 aangeteken waarna KKR tot 112/9 beperk is in die spanne se wedstryd in die Indiese Premierliga.

De Villiers het 23 balle geneem vir sy vyftigtal. Dit was sy hoogste telling vanjaar en ook sy beste teen KKR.

Hy het vyf viere en ses sesse gemoker. Van sy sesse het bewegende motors buite die stadion getref.

Dit was nie so maklik om te kolf nie, maar De Villiers is nie daardeur gepootjie nie.

RCB het 111/2 gehad met nog vyf beurte oor wat toe 83 lopies opgelewer het.

De Villiers en sy kaptein Virat Kohli (33*) het met hulle onoorwonne vennootskap van 100 lopies ook die 3 000-kerf aan lopies saam voor die paaltjies vir RCB verbygesteek.

KKR het op 51/1 eensklaps tot op 64/5 gesteier.

Die draaier Washington Sundar het met 2/20 uitgeblink, terwyl Chris Morris (2/17) en Yuzvendra Chahal (1/12) ekonomies was. – Sportredaksie

TELKAART

Meer oor:  Indiese Premierliga  |  Krieket  |  Ab De Villiers  |  Ipl
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.