Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Krieket
Kan Fordyce Proteas ‘help’ op Wanderers?
Bruce Fordyce, die eertydse koning van die Comrades. Foto: Gallo Images

’n Legende van Suid-Afrikaanse padwedlope, Bruce Fordyce, sal hopelik vandeesweek ’n gelukbringer vir die Protea-krieketspan wees wanneer hy poog om die toetsreeks teen Engeland op die Wanderers te red.

Imperial, wat die Wanderers se naamregte besit, het Woensdag in ’n verklaring gesê Fordyce sal Vrydag kort voor 10:00 die klok lui om spel amptelik in die vierde en laaste toets in dié stadion in Johannesburg te laat begin.

Fordyce is veral beroemd vir sy jare lange oorheersing in die Comrades-ultramarathon, wat hy nege keer gewen het. Hiervan was agt opeenvolgende seges.

Hy het ook oorsee uitgeblink en benewens ’n wêreldtitel in die 100 km die Londen na Brighton-marathon drie keer gewen.

Engeland ruk met ’n voorsprong van 2-1 op na Johannesburg en is ná sy oorheersende vertonings in die afgelope twee toetse die oorweldigende gunsteling om die reeks teen die Proteas te beklink.

– Sportredaksie

Meer oor:  Toetskrieket  |  Bruce Fordyce  |  Proteas
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.