Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Krieket
Pant held in dramatiese sege

Rishabh Pant het met ’n kolfaanslag wat aan T20-krieket herinner die Indiese krieketspan tot ’n roemryke oorwinning in die bepalende vierde toets teen Australië in Brisbane gevoer.

Vergeet van sosiale distansiëring! Rishahb Pant word deur ’n Indiese spanmaat omhels nadat hy Dinsdag sy span tot ’n dramatiese toets- en reekssege oor Australië help voer het. Foto: Getty Images

Dié paaltjiewagterkolwer het Dinsdag met ’n onoorwonne beurt van 89 lopies van 138 balle help toesien dat Indië die wenteiken van 328 lopies kort voor die einde van die laaste dag se spel bereik. Indië se oorwinning met drie paaltjies het aan hom ’n reekssege met 2-1 besorg.

Indië is die eerste span sedert die Wes-Indiese Eilande in 1988 wat Australië op die Gabba kon klop.

Pant en sy kolfmaats het ’n verstommende 145 lopies ná die teepouse gemoker en die wenlopies – ’n Pant-grenshou van Josh Hazlewood se boulwerk af – het gekom met nog 18 balle oor in die reeks.

Voor Pant het Shubman Gill (91 lopies) en Cheteshwar Pujara (56 van 211 balle) ook heldhaftige beurte gespeel en die tafel vir Pant se heldedade gedek.

Indië het die Border-Gavaskar-trofee behou nadat hy Australië twee seisoene gelede ook in Australië getroef het.

Wat dié reeksoorwinning besonder merkwaardig maak, is dat Indië vir drie van die toetse sonder sy inspirerende kaptein en lopiemasjien, Virat Kohli (vaderskapverlof), was en boonop drie van sy mees ervare snelboulers aan beserings afgestaan het.

TELKAART

– Reuters, Sportredaksie

Meer oor:  Toetskrieket  |  Steve Smith  |  Balpeutery  |  Rishabh Pant
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.