Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Krieket
Sri Lanka se afrigter teruggestuur

Sri Lanka se Australiese veldwerkafrigter Steve Rixon (65) sal as die toerspan se afrigter in die T20-reeks teen Suid-Afrika waarneem.

Steve Rixon. Foto: Gallo Images

Die hoofafrigter, Chandika Hathurusingha, het Donderdag gehoor hy moet Saterdag ná die toerspan se laaste eendagwedstryd na Sri Lanka terugkeer.

Dit is volgens islandcricket.lk om met die breier te beraadslaag oor sy planne vir die Wêreldbeker-toernooi. Sri Lanka het sy laaste ses eendagwedstryde verloor.

Hathurusingha is sedert Desember 2017 Sri Lanka se afrigter ná die welslae wat hy met Bangladesj behaal het.

Die snelbouler Suranga Lakmal, wat in die toetsreeks betrokke was, is terug in die T20-span.

Die bybreker Jeffrey Vandersay is ook herroep.

Die drie T20-wedstryde word in Kaapstad (19 Maart), Centurion (22 Maart) en Johannesburg (24 Maart) beslis.

Sri Lanka se T20-groep: Lasith Malinga (k), Niroshan Dickwella, Avishka Fernando, Sadeera Samarawickrama, Kusal Mendis, Angelo Perera, Dhananjaya de Silva, Kamindu Mendis, Priyamal Perera, Thisara Perera, Suranga Lakmal, Isuru Udana, Asitha Fernando, Akila Dananjaya, Jeffrey Vandersay, Lakshan Sandakan. – Sportredaksie

Meer oor:  Sri Lanka  |  T20  |  Steve Rixon  |  Proteas
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.