Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Krieket
Engelsman Stokes gestraf ná vloekery

Ben Stokes het een strafpunt teen hom gekry en is met 15% van sy wedstrydgeld beboet ná sy vloek-tirade Vrydag op die eerste dag van die laaste toets tussen Engeland en Suid-Afrika in Johannesburg.

Ben Stokes loop teleurgesteld van die veld. Foto: Getty Images

Stokes is aan ’n vlak-een-oortreding van dié beheerliggaam se gedragskode skuldig bevind, het die Internasionale Krieketraad (IKR) Saterdag in ’n verklaring gesê.

Hy het ’n toeskouer toegesnou: “Kom sê dit vir my buite die stadion, jou f****n vieroog-k*nt”.

Dít nadat ’n middeljarige toeskouer glo vir Stokes gesê het hy lyk soos die rooikop-popsanger Ed Sheeran nadat Stokes sy paaltjie vir twee lopies verloor het.

Die Engelse veelsydige speler het ’n verklaring uitgereik waarin hy om verskoning gevra het vir sy gekruide taal.

“Terwyl ek die veld verlaat het, is ek aanhoudend uit die paviljoen gekoggel,” het Stokes in ’n verklaring geskryf.

“Ek erken ek het onprofessioneel opgetree en ek vra opreg om verskoning vir die taal wat ek gebruik het, veral vir die baie jong kykers wat dit op die uitsending gehoor het.”

Stokes het geen ander strafpunte op sy rekord nie en het die straf aanvaar.

Die Engelse paaltjiewagter Jos Buttler het vroeër in die reeks ’n strafpunt gekry nadat hy gekruide taal in die toets in Kaapstad gebruik het.

Meer oor:  Ben Stokes  |  Proteas  |  Engeland  |  Toetsreeks
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.