Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Benn lekker grootkop ná hy weer wen
Conor Benn (regs) gee Sebastian Formella Saterdag in hul geveg in Londen ’n goeie pakslae. Foto: Matchroom Boxing

Die Britse weltergewigbokser Conor Benn het met sy maklike oorwinning die afgelope naweek in Londen oor Sebastian Formella van Duitsland gewys hy is reg vir groter dinge.

Formella het in Augustus teen die voormalige Wêreldboksraad-kampioen Shawn Porter van Amerika geboks en met punte verloor.

“Ek het hom (Formella) meer oortuigend as Porter geklop,” het Benn Saterdag ná sy geveg teen die Duitser aan Boxing Scene gesê.

Die beoordelaars het die geveg met 99-91, 99-92 en 100-91 aan hom toegeken.

Benn was te verstane ingenome met homself en hy het sommer dadelik sy visier op ’n paar moontlike teenstanders ingestel.

“Die enigste plaaslike geveg waarin ek belangstel is een teen Josh Kelly. Mense sê ek is bang vir hom. Lyk ek bang?” het Benn gevra.

Kelly boks op 30 Januarie in Londen teen David Avanesguan van Rusland, die Europese Boksunie se kampioen.

Volgens Benn sien hy ook kans vir die ervare Samuel Vargas van Colombia.

Benn, of sy raadgewers, besef darem dat hy nog nie reg is vir die heel bestes in sy afdeling nie.

Twee van hulle, Errol Spence en Danny Garcia, pak mekaar volgende naweek in Arlington, Texas.

Spence se titels van die Wêreldboksraad en die Internasionale Boksfederasie sal dan op die spel wees.

Meer oor:  Boks
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.