Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Impey skuif op, maar Porte wen skof
Richie Porte het Donderdag se derde skof gewen. Foto: Getty Images

Die Australiër Richie Porte het Donderdag met ’n skitterende eindpoging vorendag gekom om die derde skof van die Tour Down Under te wen.

Daryl Impey van Suid-Afrika moes met die sesde plek tevrede wees.

Porte (Trek-Segafredo) het die skof oor 131 km tussen Unley en Paracombe in Australië in 3 uur, 14 minute en 9 sekondes voltooi, met die Suid-Afrikaner 5 sekondes agter hom.

Impey (Mitchelton-Scott) se spanmaat Simon Yates, 2018 se Vuelta a España-kampioen, het teen die einde van die skof effens uit die niet verskyn om derde klaar te maak.

Die skof het klimmers bevoordeel en teen ’n woeste klim geëindig.

Porte, die kampioen in 2017 wat die afgelope twee jaar die knie voor Impey moes buig, is nou die nuwe algehele voorloper.

Die Suid-Afrikaner het van die derde tot die tweede plek algeheel opgeskuif, ses sekondes agter Porte.

Die skof word as ’n belangrike skof beskou vir die ryer wat hoop om Sondag as die kampioen gekroon te word.

Impey, die verdedigende kampioen, is beslis nog in die prentjie, maar soos hy verlede week opgemerk het gaan hy ’n skofsege moet behaal as hy Sondag weer as kampioen gekroon wil word.

Yates is ook ’n sterk aanspraakmaker om Sondag met die louere weg te stap. Hy bevind hom algeheel in die vierde plek, nadat hy die vorige dag nog 77ste algeheel was.

Vrydag se vierde skof oor 152,8 km word tussen Norwood en Murray Bridge beslis.

Meer oor:  Daryl Impey  |  Fietsren  |  Tour Down Under  |  Fietsry
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.