Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Olimpiër sê sy is seksueel aangerand

Griekeland se departement van sport het ’n beroep gedoen op regs- en sportowerhede in dié land om beweringe van seksuele aanranding van die Olimpiese seiljagkampioen, Sofia Bekatorou, te ondersoek.

Sofia Bekatorou tydens die Olimpiese Spele in 2008. Foto: Getty Images

Bekatorou, wat die goue medalje in seiljag gewen het op die Olimpiese Spele van 2004 in Athene, het vandeesweek in ’n aanlyn konferensie wat deur die regeringsdepartement van sport gereël is, beweer sy is in 1998 deur ’n sportbeampte seksueel aangerand.

Sy het nie die persoon se naam genoem nie. Sy sê sy het nie destyds oor die aanranding gepraat nie, omdat sy bang was dit sou haar sportdroom vernietig en die Griekse seilspan verdeel.

Die dekade wat gevolg het, was egter taai.

“In dié tydperk het ek amper alles in Griekse seiljag bereik, maar ek het die waardevolste deel van my persoonlikheid verloor: Om myself lief te hê,” het Bekatorou glo gesê.

Die Hellenic-seiljagvereniging sê in ’n verklaring hy is nie voorheen van die voorval ingelig nie en vra dat Bekatorou spesifiseer wat gebeur het. Die vereniging sê hy sal “die regte ding” doen as dit onder sy gesag val.

Spyros Kapralos, ’n lid van die Internasionale Olimpiese Komitee (IOK) en hoof van die Hellenic Olimpiese Komitee, sê hy sal Bekatorou “met al sy mag” ondersteun en vra dat ander atlete ook na vore tree.

“Ons soek ’n veilige, etiese, behoorlike en reine sportomgewing,” sê hy. – Reuters

Meer oor:  Seksuele Aanranding
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.