Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Povetkin staan op ná Covid-stryd
Die Russiese swaargewigbokser Alexander Povetkin het skynbaar sy stryd teen die koronavirus gewen. Foto: Getty Images

Die Russiese swaargewigbokser Alexander Povetkin het weer begin oefen nadat hy ’n tyd lank deur Covid-19 platgetrek was.

Povetkin was veronderstel om op 21 November in Londen weer teen Dillian Whyte van Brittanje te boks, maar die geveg moes weens sy siekte uitgestel word.

Volgens Boxing Scene was Povetkin ’n tyd lank in ’n hospitaal in Moskou, maar hy sterk nou tuis aan en het reeds weer liggies begin oefen.

Povetkin het Whyte in Augustus in die vyfde ronde uitgeslaan, maar danksy ’n klousule in sy kontrak kon Whyte ’n herontmoeting met die Rus afdwing.

’n Woordvoerder van die promotor Eddie Hearn het gesê Povetkin en Whyte sal mekaar nou teen die einde van Januarie pak.

• Hierdie week is daar intussen verskeie gevegte waarna boksentoesiaste kan uitsien.

Die onoorwonne Errol Spence (regs) veg hier teen Shawn Porter. Hy sal die naweek weer in aksie wees nadat hy ’n tyd lank ná ’n motorongeluk in die hospitaal was. Foto: Getty Images

Die grootste een vind Saterdag in Arlington in Amerika plaas, waar Errol Spence sy weltergewigtitels van die Wêreldboksraad en Internasionale Boksfederasie teen Danny Garcia verdedig.

Plaaslike entoesiaste sal dalk meer belangstel in Sondag se geveg in die Orient-arena in Oos-Londen, waar die super-veergewigte Azinga Fuzile en Lunga Stimela mekaar pak.

Voor dit sal die kollig egter Vrydag op die Wembley-arena in Londen val, waar Billy Joe Saunders sy super-middelgewigtitel van die Wêreldboksorganisasie teen Martin Murray gaan verdedig.

Meer oor:  Alexander Povetkin  |  Boks
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.