Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Proteas wil voortbou op Spanje-resep

Die Suid-Afrikaanse vrouehokkiespan vir die Afrikabeker-toernooi verskil nie veel van die een wat gemengde welslae in die FIH-eindtoernooi in Valencia, Spanje, behaal het nie.

Die Proteas is daar ná ’n goeie begin teleurstellend in die halfeindronde uitgeskakel.

Daar was nie plek vir Antonet Louw in die voorlopige Protea-hokkiegroep, wat vir die Afrikabeker-toernooi in Stellenbosch gekies is nie. Foto: Varsity Hockey

Stephanie Baxter is die enigste speler van die groep van 18 wat in Spanje was, wat nie in Augustus teen die room van Afrika se spelers in aksie sal wees nie.

Die nuwe groep van 20 sal volgens sahockey.co.za later weer tot 18 uitgedun word vir die toernooi om die Afrikabeker, wat van 12 tot 18 Augustus in Stellenbosch gehou word.

Sylvia van Jaarsveld, Tegan Fourie en Onthathile Zulu is die spelers in die groep wat nie in Valencia was nie. Zulu kan moontlik haar internasionale buiging maak.

“Ons groep is baie dieselfde as die een in Spanje omdat ons wil voortbou op die prosesse wat ons daar in plek gesit het,” sê Rob van Ginkel, die span se afrigter.

“Daar is steeds ’n goeie mengsel van jeug en ervaring, wat die jonger spelers sal toelaat om te ontwikkel.”

Nege spelers in die groep het minder as 10 toetse gespeel.

Daar is egter steeds nie plek vir ’n dodelike doelskieter soos Antonet Louw, wat in die Varsitybeker- én Ussa-toernooi die meeste doele aangeteken het nie.

Van Ginkel sê die “keurpaneel sal altyd spelpeil en kondisionering as prioriteit oorweeg” en het bevestig dat Louw dalk in die toekoms betrek kan word.

Ditto vir Simoné Gouws, wat ná die Wêreldbeker-toernooi in Londen verlede jaar in Duitsland beseer is, maar vanjaar weer haar terugkeer tot die spel gemaak het.

Suid-Afrika, sesmalige verdedigende kampioen, speel in sy eerste wedstryd op 12 Augustus teen Nigerië. Kenia is die ander span die gasheer se groep.

Die eerste wedstryd teen Nigerië sal die Proteas se kaptein, Erin Hunter, se 50ste vir haar land wees.

SA groep: Erin Hunter (k, SG), Phumi Mbande (Noordelikes), Quanita Bobbs (WP), Kara Botes (SG), Dirkie Chamberlain (NW), Lisa Deetlefs (SG), Lilian du Plessis (SG), Celia Evans (Noordelikes), Tegan Fourie (KZN Raiders), Tarryn Glasby (WP), Robyn Johnson (SG), Marizen Marais (Noordelikes), Mmathshepo Modipane (SG), Kristen Paton (SG), Hannah Pearce (SA o.21), Sylvia van Jaarsveldt (SG), Izelle Verster (Noordelikes), Nikki Veto (SA o.21), Bianca Wood (SA o.21), Onthatile Zulu (Noordelikes).


Meer oor:  Afrikabeker  |  Hokkie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.