Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nog Sport
Deontay Wilder trek nou gelyk met Ali

Deontay Wilder het sy swaargewigtitel van die Wêreldboksraad Sondag in Las Vegas vir ’n tiende keer suksesvol verdedig toe hy Luis Ortiz in die sewende ronde planke toe gestuur het.

Deontay Wilder. Foto: Getty Images

Dit het gelyk of die Amerikaner se oorheersing van die afgelope vyf jaar tot ’n einde sou kom met Ortiz wat hom laat bontstaan het.

Maar in die sewende ronde was dit Wilder se verwoestende regter wat Ortiz op die krytvloer laat beland het.

Ortiz (40) het daarin geslaag om op te staan, maar hy kon nie tot verhaal kom voordat hy uitgetel is nie. Sy gesig was deurtrek van skok, want Wilder het beswaarlik ’n noemenswaardige kombinasie van houe geslaan.

Daar sal vrae gestel word oor hoekom Wilder vir ses rondes maar bra flou gelyk het, maar hy het ’n reputasie opgehou as ’n bokser wat ’n verwoestende hou kan plant wanneer dit saakmaak.

Sy reguit regter waarmee hy Ortiz neergevel het, het die toeskouers langs die kryt in vervoering gehad.

Met sy oorwinning trek Wilder nou gelyk met Muhammad Ali, wat ook sy titel ’n 10de agtereenvolgende keer suksesvol verdedig het.

Slegs Tommy Burns (11), Vitali Klitschko (11), Wladimir Klitschko (18), Larry Holmes (20) en Joe Louis (25) was langer onoorwonne. – Sportredaksie

Meer oor:  Deontay Wilder  |  Boks  |  Luis Ortiz
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.