Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
SuperRugby
Jantjies sê glo jammer, maar sy dae getel?

Is Elton Jantjies se dae by die Leeus getel?

Daar hang ’n wolk van onsekerheid oor sy voortgesette loopbaan by dié rugbyspan, nadat daar glo onenigheid tussen hom en van sy spanmaats was ná verlede naweek se Superwedstryd teen die Haaie in Durban.

Elton Jantjies verlede naweek vir die Leeus teen die Haaie in aksie. Hy is om dissiplinêre redes uit die span gelaat vir Saterdag se stryd teen die Stormers. Foto: Gallo Images

Jantjies is vir Saterdag se kragmeting met die Stormers op Ellispark weens dissiplinêre redes uit die span gelaat.

Hy vergader Maandag weer met die uitvoerende hoof, Rudolf Straeuli, waar sy situasie en toekoms glo verder bespreek sal word.

Jantjies, wat sy debuut in 2010 by die Leeus gemaak het, is verreweg hul mees ervare speler en het sedert hy in 2011 die eerste keer Superrugby gespeel het, reeds 112 wedstryde in daardie reeks vir die Leeus gespeel. Hy het in 44 Curriebeker-kragmetings gespeel en het ook in 2013 13 keer vir die Stormers uitgedraf.

In die Springbok-trui is hy in 32 toetse gesien.

Jantjies se kontrak by die Leeus eindig aan die einde van hierdie jaar en die vraag word nou gevra of hy nie dalk gaan besluit om eerder ander weivelde te soek nie.

By vorige geleenthede was daar reeds sprake dat Jantjies, wat ook al tydens Curriebeker-seisoene in Japan gespeel het, deur klubs in Europa genader is om sy rugbyloopbaan daar voort te sit. Hy het toe gesê Ellispark is waar sy hart is en hy is passievol daaroor om sy rugby in die Goudstad te speel.

Straeuli wou Vrydag niks oor die situasie sê of selfs eers bevestig of daar wel met Jantjies onderhandel word rakende ’n kontrak-verlenging nie.

Wat gebeur het, op die veld of dalk selfs daarna in die kleedkamer, het glo ’n slegte nasmaak tussen dié 28-jarige losskakel, ’n boorling van Graaff-Reinet, wat aan die Hoërskool Florida aan die Wes-Rand sy skoolloopbaan klaargemaak het, en sy Leeus-spanmaats gelaat.

Uit Leeus-geledere word gesê dit het glo nie in ’n bakleiery ontaard nie, maar dat harde, en onsmaaklike woorde geval het, blyk ’n feit te wees.

Na verneem word, het Jantjies wel reeds jammer gesê vir wat gebeur het. Dit is glo ook ’n situasie waar die protokol van die Leeus as werkgewer nagevolg moet word en dit nie ’n geval is dat wat ook al gebeur het net afgelag kan word en van vergeet word nie. Daar is sekere reëls en bepalings waaraan voldoen moet word in al die betrokke partye se beste belang.

Superrugby-bepalings

Superrugby-puntelyste

Superrugby-uitslae

Meer oor:  Haaie  |  Leeus  |  Rudolf Straeuli  |  Elton Jantjies  |  Superrugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.