Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
SuperRugby
Kitshoff-terugslag tref Stormers

Die Stormers kan straks vir die eerste ses weke van vanjaar se Superrugby-reeks sonder hul Springbok-loskopstut, Steven Kitshoff, moet regkom.

Hul afrigter, Robbie Fleck, het dié skok onthulling Donderdag met die bekendmaking van sy span vir Saterdag se wedstryd teen die Bulle op Loftus gemaak.

Die Stormers sal vir eers sonder die kragtige skrumwerk van hul Springbok-loskopstut, Steven Kitshoff, oor die weg moet kom. Foto: Gallo Images

“Die mikpunt is om Steven vir ons toer beskikbaar te hê. As ons hom voor dan teen die Jaguares kan inspan, sal dit ’n bonus wees,” het Fleck gesê.

Om sake te vererger, is die Bok-vaskopstut Frans Malherbe ook nie beskikbaar nie. Hy het ’n hou teen die knie weg en sal eers aanstaande week vir die wedstryd teen die Leeus oorweeg kan word.

Die Stormers se ander Bok-skrumanker, Wilco Louw, sal die nr.3-trui dra, terwyl Ali Vermaak in Kitshoff se posisie speel.

Fleck het ook verras deur Salmaan Moerat bo die Westelike Provinsie se Curriebeker-kaptein, Chris van Zyl, as JD Schickerling se slotmaat te kies.

“Salmaan is ’n jong speler wat baie energie na die groep bring. Hy was lekker fisiek en met dié dat die Bulle met spelers soos Jason Jenkins, Lood de Jager, Duane Vermeulen en Hanro Liebenberg ’n groot pak voorspelers het, gaan hy sy man moet staan,” sê Fleck.

Fleck het vir Damian Willemse op losskakel gekies, maar gaan hom in die tweede helfte heelagter toe skuif wanneer hy vir Jean-Luc du Plessis opstuur.

Daar gaan twee debutante wees: Ruhan Nel begin op buitesenter en die aanwins van die Leeus, Corné Fourie, is die loskopstut op die plaasvervangersbank.

Die Stormers se span is:
Dillyn Leyds, JJ Engelbrecht, Ruhan Nel, Damian de Allende, SP Marais, Damian Willemse, Jano Vermaak, Sikhumbuzo Notshe, Pieter-Steph du Toit, Siya Kolisi (k), JD Schickerling, Salmaan Moerat, Wilco Louw, Bongi Mbonambi, Ali Vermaak. PLAASVERVANGERS: Scarra Ntubeni, Corné Fourie, Neethling Fouché, Chris van Zyl, Kobus van Dyk, Herschel Jantjies, Jean-Luc du Plessis, Dan du Plessis.

Superrugby-bepalings

Meer oor:  Robbie Fleck  |  Stormers  |  Steven Kitshoff  |  Bulle  |  Superrugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.