Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
SuperRugby
Rebels dop ’Tahs om in eendeweer

Die Rebels het hulle Vrydag op hul tuisveld in Melbourne beter by die reënweer aangepas en hul Superrugby-wedstryd teen die Waratahs met 24-10 gewen.

In die nat toestande is daar baie geskop en daar is ook baie hanteerfoute begaan.

Marika Koroibete duik oor vir een van die Rebels se drie drieë Vrydag teen die Waratahs in Melbourne. Foto: Getty Images
Alex Newsome van die Waratahs bevind hom in ’n ongemaklike posisie teen die Rebels. Foto: Getty Images

Dit was nogtans ’n vermaaklike wedstryd waarin die Rebels se agtsteman Isi Naisarani en skrumskakel Ryan Louwrens veral uitgeblink het.

Naisarani het sy span op die voorvoet gekry met sterk lopies en Louwrens was nie net ’n blote skakel nie, maar het die Waratahs ook met sy onvoorspelbare spel verras.

Die Rebels moes verder as net 8-3 voorgeloop het met rustyd, maar die senter Billy Meakes se drie is nie toegelaat nie omdat die vleuel Marika Koroibete obstruksie gepleeg het.

Vroeg in die tweede helfte het die Waratahs daarin geslaag om vir ’n kort rukkie voor te loop, maar hulle kon nie die pas volhou nie.

Twee drieë deur die plaasvervanger-vleuel Andrew Kellaway binne die laaste tien minute het die tuisspan se oorwinning verseker.

Puntemakers: Rebels 24 (8): Drieë: Marika Koroibete, Andrew Kellaway (2). Strafdoele: Matt To’omua (3). Waratahs 10 (3): Drie: Harry Johnson-Holmes. Doelskop: Will Harrison (1). Strafdoel: Will Harrison (1). – Sportredaksie

Superrugby-bepalings

Superrugby-puntelyste

Superrugby-uitslae

Meer oor:  Rebels  |  Superrugby  |  Waratahs  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.