Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Ackers op hete kole oor hy nie kan vlieg

Johan Ackermann sit steeds gestrand in Suid-Afrika en het geen idee wanneer hy hom by sy nuwe rugbyspan in Japan, die NTT Docomo Red Hurri­canes, sal aansluit nie.

Johan Ackermann
Johan Ackermann

Sy kontrak het op 1 Julie begin. Sy aanvanklike beplanning was om voor 13 Julie in Japan te wees, aangesien sy span se oefeninge op 15 Julie sou afskop.

Weens Japan se streng Covid-19-beperkinge wag Ackermann, asook twee van sy hulpafrigters, Rory Duncan en Neil de Bruin, en drie spelers, Makazole Mapimpi, Tyler Paul en Ruan Vermaak, om te hoor wanneer hulle Japan toe sal kan vlieg.

Hulle het nog nie hul visumaansoeke gedoen nie aangesien die Japanse ambassade nog gesluit is.

“Dis is baie frustrerend,” sê Ackermann aan Rapport.

“Dis nie asof ’n ou in jou tweede of derde jaar by die klub is nie. Jy het elke dag nodig en mis die tyd.

Hopelik gee hul voorkeur aan die mense wat daar moet gaan werk en nie net wil vakansie hou nie.

“Dis nou in die Here se hande. Ons het nog nie eens ’n visum nie. Daar is vlugte beskikbaar om in Japan te kom, maar ons sal nie daar kan inkom totdat die Japannese nie oopmaak nie.

“ ’n Ou sal regtig so gou as moontlik daar wil inval. Hopelik gee hul voorkeur aan die mense wat daar moet gaan werk en nie net wil vakansie hou nie.”

Die 50-jarige Ackermann, wat tot vroeër vanjaar die Engelse klubspan Gloucester afgerig het, se Japanse pos hou ook vir hom die nuwe uitdaging van ’n tolk in om sy boodskap by die spelers te kry.

“ ’n Mens het juis nou agtergekom met Zoom-vergaderings dat dit (gesprekke) nogal lank kan word.

“Dit gaan maar ’n aanpassing vir die spelers wees, want nuwe dinge moet geleer word.

“Ons het een Japanse afrigter wat Engels verstaan. Op die oomblik het ons net beperkte oefeninge. Hulle oefen tans net in groepe van drie en drie keer ’n week.

“Ons het al so een of twee voorspeler- en verdediging-vergaderings op Zoom gehad. ’n Ou hoop en glo die tegniese punte word reg oorgedra.

“Ons wys onder meer video-uittreksels en hou dit so eenvoudig moontlik sodat ’n mens nie als moet verander as jy daar aankom nie.”

Die klub moes ook vir vyf weke sluit omdat een van sy gekontrakteerde spelers positief vir die koronavirus getoets is.

Meer oor:  Johan Ackermann  |  Visums  |  Japan  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.