Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Bantom tot WPRU se komitee verkies

Ronald Bantom is Maandagaand tot die Westelike Provinsie Rugbyunie (WPRU) se uitvoerende komitee verkies.

Sy verkiesing volg op die bedanking van Kevin Kiewitz in Junie vanjaar in die nadraai van die WPRU se besluit om nie sy eiendomstransaksie met Investec vir die herontwikkeling van Nuweland deur te voer nie.

Ronald Bantom, wat tot die uitvoerende komitee van die Westelike Provinsie Rugbyunie verkies is. Foto: Gallo Images

Bantom was ’n kandidaat om die amp van visepresident toe hy Zelt Marais se veldtog om die presidentskap in 2018 help dryf het. Hy is egter drie dae voor die verkiesing in kennis gestel dat hy daarvan aangekla word dat hy die WPRU se gedragskode oortree het.

Bantom het toe met ’n dringende aansoek in die hooggeregshof in Kaapstad misluk om die aksie teen hom ter syde gestel te kry. Spencer King is gevolglik onbetwis as visepresident verkies.

Die saak teen Bantom het verband gehou met ’n vurige woordewisseling tussen hom en Jessie Claassen, die nasionale bestuurder van die SA Rugby Legends se Vuka-program, in Augustus 2017.

Die WPRU sê in ’n nuusverklaring dat Bantom ’n “deurwinterde administrateur” is, wat die “huidige leierskapstruktuur sal versterk”. Hy dien tans as die ondervoorsitter van die Bellville-rugbyklub.

Die WPRU se verklaring maak melding van Bantom se ervaring in “gemeenskap-, skole- en klubrugby”.

Hy is die hoof van die Hoërskool Kasselsvlei, waar hy die eerste span vir 12 jaar afgerig het. Bantom het ook van 1998 tot 2006 as sameroeper van die keurkomitee van die WP se skolestrukture gedien. Hy was ook al ’n keurder van die SA Skolespan, aldus die WPRU se verklaring.

Meer oor:  Westelike Provinsie Rugbyunie  |  Wpru  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.