Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Bokke speel in 2021 teen Skotland

Suid-Afrika en Skotland is bestem om op Murrayfield swaarde te kruis wanneer die Springbokke in 2021 vir die eerste keer in drie seisoene op ’n jaareindtoer sal gaan.

Die Springbok-slot RG Snyman in aksie vir die Springbokke in hul laaste toets teen Skotland op Murrayfield. Die Bokke het toe met 26-20 gewen. Foto: Getty Images

In ’n nuusverklaring Dinsdag het die Suid-Afrikaanse Rugbyunie (Saru) aangekondig dat die Springbokke op 13 November in Edinburg sal speel. Die teenstanders vir die ander toetse op 6 en 20 November is nog onbekend.

Die Skotse Rugbyunie het reeds kaartjies begin verkoop.

Rassie Erasmus, Saru se direkteur van rugby, sê in ’n verklaring dat Skotland hom gevestig het as ’n “baie taai” en “moeilike span om te klop”.

“Ons laaste ontmoeting twee jaar gelede was ’n baie naby stryd,” sê hy.

“Volgende jaar se toetse sal die eerste keer in drie jaar wees wat die Springbokke in Europa toer, waar die intense wedywering teen taai teenstanders in onbekende weerstoestande vir interessante toetse sorg.”

Suid-Afrika het laas in 2018 in Europa getoer. Die tradisionele jaareindtoer vind nie in Wêreldbeker-jare plaas nie en vanjaar s’n het weens die Covid-19-pandemie nie gebeur nie.

Die Bokke se laaste kragmeting met die Skotte op Murrayfield was in 2018 en die besoekers het met 26-20 gewen.

Skotland se laaste oorwinning oor die Bokke was in 2010, toe ses strafdoele en ’n skepdoel deur Dan Parks aan hulle ’n sege met 21-17 besorg het. – Stephen Nell

Meer oor:  Skotland  |  Bokke  |  Toetsrugby  |  Sprinbokke  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.