Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Bulle leen Smith tot Maart in April se plek

Die Bulle het die opwindende Chris Smith as die beseerde Garth April se plaasvervanger gekontrakteer.

Smith

“Ons leen Chris van Maandag af tot einde Maart by die Pumas,” het Xander Janse van Rensburg, die Blou Bulle Maatskappy (BBM) se hoëprestasiebestuurder, gesê.

Die losskakel Smith speel sedert einde verlede jaar vir die Pumas. Hy was in 2018 een van Maties se sterre in die Varsitybeker-reeks.

Smith is deur die Bulle betrek om diepte te verskaf as Handré Pollard of Manie Libbok beseer raak. Die Bulle kan ook vir Tinus de Beer, Tuks se leenspeler van Griekwas, oorweeg.

Nog een van Pretoria se losskakels, Marnitz Boshoff, herstel van ’n besering en behoort volgens Janse van Rensburg in April fiks te wees.

April se kontrak met die Bulle het platgeval nadat hy nie sy mediese toetse kon slaag nie. Hy het met ’n skouerbesering teruggekeer nadat hy vir die NTT Shining Arcs in Japan gespeel het. April (27) moet ’n operasie ondergaan en kan tot ses maande uit rugby wees.

  • Smith se gewese Matie-spanmaat, die senter Chris Smit, het dié week ’n kontrak met Griekwas gesluit.

Smit tel saam met Anthony Volmink (Leeus), Eduan Keyter (WP), Grant Hermanus (WP), Keanu Vers (OP), De Beer (Bulle en Tuks), Michal Haznar (WP), Victor Sekekete (Bulle), Cody Basson (Griffons) en Johan Momsen (Maties) onder Griekwas se aanwinste. 

Meer oor:  Bulle  |  Garth April  |  Chris Smith  |  Beseer
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.