Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Cheetahs-haker Du Toit ook Bath toe

Die Vrystaat-Cheetahs is nog ’n speler kwyt met die nuus dat een van die span se hakers, Jacques du Toit, ook sy rugbyloopbaan oorsee gaan voortsit.

Jacques du Toit op die aanval vir die Cheetahs in ’n Pro14-wedstryd teen die Glasgow Warriors in 2017 in Bloemfontein. Foto: Gallo Images

Du Toit (27) het aan Netwerk24 bevestig dat hy voortaan vir die Engelse klubspan Bath sal uitdraf.

Hy wag net vir sy en sy gesin se visums en vlugbesprekings, wat volgens hom beteken dat hy reeds vandeesmaand of vroeg in Januarie na Brittanje sal vertrek.

Dié boorling van Bloemfontein en oudleerling van Grey-kollege het die Vrystaat in 2011 by die Cravenweek-toernooi verteenwoordig. In 2013 het hy vir die Junior Bokke gespeel.

Hy het die Cheetahs en Southern Kings in die Pro14-reeks verteenwoordig. Hy het vroeër vanjaar na die Rosestad teruggekeer ná ’n tydjie in Port Elizabeth.

Du Toit is nie die enigste Cheetah wat voortaan vir Bath gaan uitdraf nie. Die losskakel Tian Schoeman het vroeër reeds aangedui dat hy loopbaan daar gaan voortsit.

Spelers soos Luan de Bruin (stut), JP du Preez (slot), Walt Steenkamp (slot) en Benhard Janse van Rensburg (senter) het reeds die unie verlaat.

Meer oor:  Bloemfontein  |  Curriebeker  |  Rugby  |  Jacques Du Toit  |  Pro14  |  Cheetahs
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.