Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Eddie karring weer aan Wallis oor dak
Die Principality-stadion se dak is toe vir ’n sokkerwedstryd. Foto: Getty Images

Eddie Jones wil hê die dak van die Principality-stadion moet toe wees wanneer sy Engelse span Saterdag in ’n Wêreldbeker-opwarmingstoets teen Wallis speel – al word geen reën vir Cardiff voorspel nie.

Walesonline.co.uk berig dat Engeland se afrigter dié versoek gerig het omdat die Rose se eerste twee WB-wedstryde in Japan (teen Japan en Amerika) in stadions met toe dakke sal wees.

Hy wil dus hê sy span moet aan soortgelyke toestande blootgestel word as wat hulle in Japan kan verwag.

Of Wallis egter gaan instem, is ’n ander saak

want Jones het die tuisspan vroeër vanjaar gedwing om die dak vir die spanne se Sesnasies-kragmeting oop te hou.

Volgens die Sesnasies-reëls mag die dak net toegemaak word as albei spanne instem.

Wallis verkies gewoonlik dat die dak toe is om ’n vyandiger atmosfeer vir besoekende spanne te skep.

Daar moet nou maar gesien word of Wallis na Jones se versoek gaan luister.

Wallis se afrigter, Warren Gatland, was gefrustreerd omdat hulle nie in Februarie die dak kon toemaak nie.

“Dit het my gepla dat ons nie kon besluit in die Sesnasies-reeks of ons die dak van ons eie stadion kon toemaak of nie. Dis ironies dat dit ons stadion is, maar ons nie kan besluit wat ons daarmee wil doen nie.

“Ons behoort die besluit te kan neem.”

– Sportredaksie

Meer oor:  Toetsrugby  |  Eddie Jones  |  Wêreldbekerrugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.