Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
‘Ek bly weg,’ sê Jean oor Siya-video
Jean de Villiers by Siya Kolisi in 2013 nadat hy sy Bok-debuut in Mbombela teen Skotland gemaak het. Foto: Gallo Images

Geen kommentaar.

Jean de Villiers, voormalige Springbok-kaptein, het vrae oor Siya Kolisi se BLM-video, waarin hy onder meer sê hy het aanvanklik nie tuis gevoel in die Bokspan nie, flink gesystap.

Kolisi sê in die video op sy Instagram-rekening dat hy soos ’n buitestander gevoel het. Dit was grootliks omdat Afrikaans die voorkeurtaal van die Springbokke was toe hy sewe jaar gelede sy buiging gemaak het.

De Villiers, die Bokke se kaptein in die Heyneke Meyer-era, sê enigiets wat hy hieroor sal kwytraak, kan verkeerd vertolk word.

“Dan raak dit ’n geval van dié een sê dít en daai een sê dát. Ek gaan liewer hiervan wegbly en nie kommentaar lewer nie,” sê hy.

Dan raak dit ’n geval van dié een sê dít en daai een sê dát. Ek gaan liewer hiervan wegbly en nie kommentaar lewer nie.
Jean de Villiers

Kolisi het in 2013 teen Skotland in sy eerste toets gespeel toe hy Arno Botha vroeg in die toets in Mbombela vervang het.

“Toe ek vir die eerste keer in die Springbok-omgewing gekom het, is alles in Afrikaans gedoen en ek kon nie die taal praat nie.

“Die span se calls was ook in Afrikaans en ek moes dit probeer vertaal. Dit was baie moeilik.

“Ek het dom en verleë gevoel en my kultuur was nie daar nie. Ek het Suid-Afrika verteenwoordig, maar dit het nie gevoel of ek waarde toevoeg nie,” voer Kolisi in sy video aan.

Die huidige Springbok-kaptein sê hy het nooit daaroor (Afrikaans) gekla nie.

Rassie Erasmus

“Ons het nie daardie gesprekke gehad nie en ek het ook nie die vrymoedigheid gehad om dit aan te roer nie.

“Dit het eers verander toe Rassie (Erasmus) die kwessie in 2018 aangepak het.

“Hy het dadelik daaroor gepraat en transformasie was belangrik vir hom, nie net om die spelers van kleur in die span te hê nie, maar ook in die spanomgewing.

“Elke kultuur moet verteenwoordigend wees en almal moet waardevol voel.

“Apartheid het in Suid-Afrika plaasgevind en ons moet verander, of ons daarvan hou of nie,” was Rassie se benadering.

’n Vername rolspeler in die Springbok-groep van 2012 tot 2015 het, op voorwaarde dat sy naam nie genoem word nie, gesê Kolisi se kommentaar oor Afrikaans wat die “amptelike taal” in die span was, is nie heeltemal waar nie.

“Natuurlik is Afrikaans gepraat, maar jy moet onthou dat daar Engelssprekende lede soos John McFarland en Richie Gray (’n Skot) in die afrigtingspan was.

So ook spelers soos Pat Lambie en Beast Mtawarira. Dit sou bykans onmoontlik gewees het om alles in Afrikaans te doen.

“So ook spelers soos Pat Lambie en Beast Mtawarira. Dit sou bykans onmoontlik gewees het om alles in Afrikaans te doen.

“Siya noem dat dit eers in 2018 verander het, so dit sinspeel daarop dat dit ook in Allister (Coetzee) se tydperk ’n probleem was.

“Dit is jammer dat die verkeerde indruk nou in die media gewek word.”

Meyer het nie op boodskappe gereageer nie.

Meer oor:  Jean De Villiers  |  Siya Kolisi  |  Rassie Erasmus  |  Kaapstad  |  Kaptein  |  Afrigter  |  Blm  |  Rugby  |  Bokke  |  Toetsrugby  |  Kultuur  |  Springbokke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.