Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Europese klubs stel belang in WP se Coetzee

Jaco Coetzee, losvoorspeler van die Westelike Provinsie en Stormers, het die belangstelling van minstens twee Europese klubs gelok.

Daar is gerugte dat die WP-losvoorspeler Jaco Coetzee die Kaap vir ’n Europese klub kan verruil. Foto: Getty Images

Bayonne in Frankryk het verlede week gesê hy stel belang in die Suid-Afrikaner se dienste en Rugby365 berig Bath in Engeland is ook nou gretig om Coetzee te betrek as plaasvervanger vir die belowende Engelsman Zach Mercer.

Die 23-jarige Mercer se besluit om na Montpellier te verkas is ’n verrassing aangesien die agtsteman ’n gunsteling was om weer deur Eddie Jones in Engeland se groep ingesluit te word. Sy besluit om hom by die ryk Top-14-span aan te sluit beteken egter sy toetsloopbaan is vir eers van die baan. Mercer het voorheen twee toetse vir die Rose gespeel.

Dit maak egter die deur vir Coetzee (24) oop om sy loopbaan by Stuart Hooper se Bath voort te sit.

Coetzee, wat vanjaar uitstekend in die Curriebekerreeks vertoon, is in Saterdag se halfeindstryd teen die Haaie op ’n draagbaar van die veld.

Dié produk van Glenwood in Durban het in 2014 ’n wedstryd vir die Suid-Afrikaanse Skolespan gespeel. Hy is deur die Haaie-akademie betrek voordat hy om in 2017 in die Kaap gevestig het.

Coetzee, wat in Pretoria gebore was, is saam met Beka Gorgadze van Georgië in Bayonne se visier. – Sportredaksie

Meer oor:  Westelike Provinsie  |  Stormers  |  Top 14  |  Bath  |  Curriebeker  |  Jaco Coetzee
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.