Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Goosen wil in Wêreldbeker speel

Op 25 en met 13 toetse agter sy naam droom Johan Goosen steeds daarvan om vir die Springbokke te speel.

Hy het onlangs by Montpellier in Frankryk aangesluit nadat hy vroeër vanjaar die eerste keer – sedert hy in Desember 2016 laas (vir Racing 92) gespeel en “uitgetree” het – vir die Cheetahs in die Pro14-reeks gespeel het.

Johan Goosen tydens sy eerste oefening by Montpellier verlede week. Foto: Getty Images

Hy is een van ’n klompie Suid-Afrikaners (ook Springbokke) wat vir dié Franse klubspan speel.

“Ek is nou eers 25 jaar oud en daar is nog baie rugby in my. Elke speler wil in ’n Wêreldbeker-toernooi speel. Ek het egter nog nie met Rassie Erasmus (Springbok-afrigter) gepraat nie,” sê Goosen uit Frankryk.

“Ons oefen al hard en dit is waarop ek nou konsentreer. Dit gaan nou vir my daaroor om eers goed te vaar vir Montpellier voordat ek aan enigiets anders soos Springbokrugby dink.”

Goosen, ’n speler wat oor die X-faktor beskik, is ’n veelsydige agterspeler en is veral dodelik op losskakel. Hy kan niks minder nie as ’n aanwins vir die Bokke wees, ofskoon ’n speler soos Handré Pollard vir eers in die saal is.

Springbokke herenig. Johan Goosen, Frans Steyn en Ruan Pienaar van Montpellier tydens die eerste oefening vir die 2018/2019-seisoen verlede week in Frankryk. Foto: Getty Images

Met wisselvalligheid wat die Leeus se Elton Jantjies in die toetsreeks teen Engeland ten toon gestel het, was Erasmus genoop om ’n jong speler soos Damian Willemse van die Stormers vir die jongste oefenkamp te betrek.

Erasmus sal waarskynlik nie Goosen se dienste vir vanjaar se Rugbykampioenskap gebruik nie, maar die insluiting van oorsese spelers word nie meer uitgesluit nie.

Dit het gevolg nadat die reël dat slegs oorsese spelers wat in 30 of meer toetse vir die Bokke gespeel het vir die nasionale diens oorweeg sal word, nie meer geld nie.

Erasmus het vroeër laat deurskemer dat daar nie onmiddellike planne is om Goosen te betrek nie, maar wie hy saamneem Japan toe volgende jaar, kan in die volgende paar maande duidelik word.

Meer oor:  Wêreldbeker  |  Johan Goosen  |  Springbokke  |  Wêreldbekerrugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.